Taith Coedwigoedd a Dyffrynnoedd

Taith Gron

3¼ milltir / awr a 45 munud

O’r maes parcio yng nghanol y pentre, croeswch y briffordd o flaen y Felin Wlân a throwch i’r dde. Ar ddiwedd y rhes o siopau, gyferbyn Gwesty Fairy Falls, trowch i’r chwith a cherdded i fyny’r allt. Cerddwch i fyny rhan serth o’r ffordd am ryw 300 llathen ,ac yna, fforchiwch i’r dde i fyny ffordd Cowlyd. Wedi 100 llathen, trowch i’r dde i mewn i’r goedwig.

Mae Trywydd 7 yn gwahanu â Thrywydd 6 ar ben y goedwig.

Dilynwch Drywydd 7. Bydd y trywydd yn eich arwain drwy iard Gelli Newydd, lle cewch weld yr olwyn ddwr wedi’i adfer. Os bydd Aneurin gartref, fel arfer bydd yn hapus i’ch dangos ei weithdy sy’n cael ei bweru gan ddwr.

O Elli Newydd , mae’r trywydd yn disgyn drwy goetir i Ffordd Crafnant. Trowch i’r dde ar y ffordd am 50 llathen cyn troi i’r chwith i groesi’r afon. Yna,  mae’r trywydd yn dilyn hen drywydd mwynglowyr i Fferm Gymannog (lle cewch weld olwyn ddwr wedi’i adfer arall) ac yna drwy gaeau ac yn ôl i’r pentref  heibio i Raeadr y Tylwyth Teg.