Eglwys Llanrhychwyn

Taith Gron

4 milltir / 2 awr 30 munud

O’r maes parcio yng nghanol y pentre, croeswch y briffordd o flaen y Felin Wlân a throwch i’r dde. Ar ddiwedd y rhes o siopau, gyferbyn Gwesty Fairy Falls, trowch i’r chwith a cherdded i fyny’r allt. Ar ôl ychydig o lathenni, trowch i’r chwith ar Drywydd 4  a fydd yn eich arwain i Raeadr y Tylwyth Teg. O’r rhaeadr, ewch i fyny i’r bont droed a dilynwch gyfeirbwyntiau Trywydd 5.

Mae Trywydd 5 yn eich arwain i fyny ac i mewn i goedwigoedd uwchben y pentref. Mae’r trywydd yn dringo yn raddol hyd at 680 troedfedd uwchben Trefriw cyn i Drywydd 8 wahanu â Thrywydd 5. Yna mae Trywydd 8 yn mynd i fyny llethr serth i gasgliad o dai ym Mhenrallt. Mae Penrallt yn gorwedd mewn pant naturiol. Mae’n debyg bod y pant hwn yn llyn bas ar ôl oes ddiwethaf yr iâ. Dros y blynyddoedd mae hwn wedi’i sychu a’i lenwi â llaid i adael cors sydd wedi cael ei goloneiddio gan helyg i greu ‘Willow Carr’.

Oddi yma, mae’r trywydd yn troelli o gylch y gymuned fach  Llanrhchwyn, ac yn mynd heibio i’r eglwys chweched canrif adnabyddus.

Yn ystod y 19eg canrif roedd pobologaeth Llanrychwyn yn fwy na phoblogaeth Trefriw, gyda 87 o dai wedi’u cofnodi a 376 o bobl. Erbyn 1851 roedd y boblogaeth wedi cynyddu i 586, yn bennaf o ganlyniad ffyniant y diwydiant mwyngloddio.

O Eglwys Llanrychwyn, mae Trywydd 8 yn eich arwain i mewn i Goedwig Gwydir cyn rhan fer o ffordd gul ac wedyn llwybr sy’n disgyn drwy goetir i waelod Dyffryn Conwy. Mae’r trywydd yn croesi y B5106 (Trefriw i Lanrwst). RHYBYDD: Gall y ffordd hon fod yn beryglus a dylech fod yn ofalus iawn. Mae Trywydd 8 yn mynd â chi ar hyd drywydd fferm, llwybr cul, ac wedyn ymlaen i’r Cob (amddiffyniadau llif) ac ar hyd Afon Conwy i’r bont grog. Er mwyn dychwelyd i Drefriw, dilynwch Drywydd 1 neu estynwch eich taith gan ddilyn Trywydd 2 i wneud cylch yn ôl i’r pentref.